ЦЭНТРВЫБАРКАМ ПАДВЁЎ КАНЧАТКОВЫЯ ВЫНIКI ВЫБАРАЎ ДЭПУТАТАЎ МЯСЦОВЫX САВЕТАЎ, ЯКIЯ ПРАЙШЛI 4 КРАСАВIКА

1999-04-09 15:20

Аўтар: Юрый ПАЦЁМКIН, БелаПАН.

Мiнск, 9 красавiка. Цэнтральная камiсiя Рэспублiкi Беларусь па выбарах i правядзеннi рэспублiканскiх рэферэндумаў падвяла канчатковыя вынiкi выбараў дэпутатаў мясцовых Саветаў, якiя адбылiся 4 красавiка. Як паведамiлi БелаПАН у Цэнтрвыбаркаме, з 7 мiльёнаў 375 тысяч 865 чалавек, унесеных у спiсы для галасавання, удзел у выбарах узялi 4 мiльёны 933 тысячы 7 чалавек, цi 66,9 працэнта ад агульнай колькасцi выбаршчыкаў.
Выбары аб'яўлены адбыўшымiся ў 24.386 выбарчых акругах з 24.557, цi ў 99,3 працэнта ад iх агульнай колькасцi. У 9 акругах выбары не праводзiлiся ў сувязi з выбыццём напярэдаднi галасавання па розных прычынах усiх кандыдатаў. У першым туры абраныя 23.750 дэпутатаў. 52,1 працэнта з iх з'яўлялiся дэпутатамi мясцовых Саветаў мiнулага склiкання; 96,9 працэнта - беспартыйныя; 37 працэнтаў складаюць жанчыны; 5,2 працэнта - моладзь да 30 гадоў. У правамоцным складзе абраны 1.683 мясцовых Саветы з 1.694. Акрамя таго, больш за палову дэпутацкiх вакансiй занята ў шасцi абласных Саветах, а таксама ва ўсiх раённых i сельскiх Саветах. Менш за палову дэпутатаў абрана ў Мiнскi гарадскi Савет, а таксама ў 8 гарадскiх Саветаў i адзiн пасялковы.
Як указваецца ў паведамленнi Цэнтрвыбаркама, другi тур галасавання адбудзецца 16 красавiка. У гэты дзень выбары пройдуць па 313 выбарчых акругах.