ЗА ДЗЕНЬ ПРАГАЛАСАВАЛА ТРЫ ПРАЦЭНТЫ ВЫБАРШЧЫКАЎ ("Звязда")

2006-03-16

Аўтар: "Звязда"

Сакратар Цэнтрвыбаркама адзначыў, што тры працэнты за першы дзень датэрмiновага галасавання - гэта звычайная для Беларусi лiчба, якая фiксавалася i на папярэднiх выбарах. Так, паводле яго слоў, у цэлым за пяць дзён датэрмiновага галасавання ў нашай краiне галасуе каля 14-15 працэнтаў выбаршчыкаў. А вось па абласцях людзi галасуюць па-рознаму... Праўда, дакладныя лiчбы М. Лазавiк пакуль што называць не пажадаў, каб не выклiкаць сярод абласцей "сацыялiстычнага спаборнiцтва".

М. Лазавiк таксама паведамiў, што за першы дзень датэрмiновага галасавання ў Цэнтрвыбаркам не паступiла нiводнай скаргi. Паводле яго слоў, выбарчыя ўчасткi працуюць нармальна, i грамадзяне могуць свабодна выказаць сваё волевыяўленне. У гэтым, дарэчы, пераканаўся i сам сакратар Цэнтральнай камiсii, якi ўжо таксама прагаласаваў датэрмiнова.