САЦЫЯЛАГІЧНЫЯ ПРАГНОЗЫ І ВЫНІКІ ВЫБАРАЎ У МЯСЦОВЫЯ САВЕТЫ ДЭПУТАТАЎ

2003-03-31

Аўтар: Леанід МІХЕЙЧЫКАЎ, кіраўнік сацыялагічнай службы "Зеркало" кампаніі БелаПАН

Прагнозы па Беларусі

У нашым распараджэнні ёсць дастаткова поўныя вынікі рэспубліканскіх сацыялагічных даследаванняў, праведзеных супрацоўнікамі Незалежнага інстытута сацыяльна-эканамічных і палітычных даследаванняў: у красавіку 2002 года імі апытаныя 1464 рэспандэнты, у верасні 2002 года - 1509, у снежні - 1478 чалавек.

Асобныя лічбы з друку, г.зн. з дзяржаўных газет, дазваляюць даведацца, што пытанні яўкі на выбары 2 сакавіка даследаваліся падчас агульнанацыянальнага апытання, якое праводзілася ў студзені 2003 года Інстытутам сацыяльна-палітычных даследаванняў пры Адміністрацыі прэзідэнта Рэспублікі Беларусь.

Ужо пасля першага тура выбараў, 3 - 7 сакавіка 2003 года, Інстатутым сацыялогіі Нацыянальнай акадэміі навук Беларусі было праведзенае анкетаванне мінчан і жыхароў Мінскай вобласці. Па г.Мінску апытаныя 590 рэспандэнтаў (49%), па вобласці - 611 чалавек (51%). Усяго на пытанні анкеты адказалі 1200 грамадзян ва ўзросце 16 гадоў і старэй. Выбарка квотная. Кантралюемыя прыкметы: горад/сяло, пол, узрост, адукацыя. Плюс маршрутны адбор на апошнім этапе апытання. У табліцы прыводзяцца звесткі, пералічаныя для асоб ва ўзросце 18 гадоў і старэй.

Наяўныя звесткі паказваюць наступнае.

Табліца 1. Намеры і ўдзел выбаршчыкаў у выбарах (у працэнтах)

Такім чынам, сацыёлагі прагназавалі дастаткова высокі ўзровень яўкі выбаршчыкаў на выбарчыя ўчасткі 2 сакавіка: на ўзроўні 75 - 80%, калі верыць ІСПД, і 72% - калі зыходзіць са звестак НІСЭПД. ЦВК паказала ўдзел у выбарах 2 сакавіка 73% выбаршчыкаў. Лічба гэтая поўнасцю супала са звесткамі даследавання, праведзенага пасля выбараў супрацоўнікамі Інстытута сацыялогіі НАНБ сярод выбаршчыкаў Мінскай вобласці. Праўда, паводле звестак ЦВК, у Мінскай вобласці прагаласавалі каля 75% выбаршчыкаў. Рэспубліканскіх даследаванняў у Беларусі да гэтага часу па выбарах яшчэ не праведзена.

Вынікі па Мінску

Па Мінску ў поўным аб'ёме ёсць толькі звесткі апытанняў, праведзеных сацыялагічнай службай "Зеркало" кампаніі БелаПАН. У кожным з зандзіраванняў грамадскай думкі анкетаваліся па 500 выбаршчыкаў - жыхароў беларускай сталіцы. Выбарка ва ўсіх апытаннях квотная (пол, узрост, адукацыя).

Пэўную інфармацыю прапаноўвае Мінскі НДІ сацыяльна-эканамічных і палітычных праблем (МНДІСЭПП). 17 - 22 верасня 2002 года супрацоўнікамі МНДІСЭПП праведзена сацыялагічнае апытанне жыхароў г.Мінска. Апытаныя 1090 чалавек.

Пасля выбараў ёсць звесткі апытанняў, праведзеных па г.Мінску як Інстытутам сацыялогіі НАНБ, так і службай "Зеркало", якая апытанне 500 гараджан ва ўзросце 18 гадоў і старэй правяла 3 - 6 сакавіка.

Табліца 2. Прагноз на ўдзел і ўдзел мінчан у галасаванні на выбарах у мясцовыя Саветы дэпутатаў 2 сакавіка 2003 года (у працэнтах)

Табліца 2 (працяг)

Такім чынам, і прагноз "Зеркала" (дарэчы, яшчэ да 2 сакавіка апублікаваны ў газеце "Белорусский рынок"), і звесткі МНДІСЭПП паўгадовай даўніны знайшлі сваё пацверджанне ў лічбах ЦВК.