Адмысловы праект кампанii БелаПАН

Выбары ў мясцовыя Саветы дэпутатаў 2003 года

English Русский

* Усе лічбы прыводзяцца ў працэнтах. Дзесяцічныя долі працэнтаў, што не ўяўляюць вялікага значэння, у тэксце намі прыбраныя.
** У гэтым апытанні згаданы варыянт адказу адсутнічаў

У той жа час частка выбаршчыкаў не жадае ісці на выбарчыя участкі. Якія прычыны? Некаторыя ўяўленні аб гэтым даюць даныя табліцы 2.

Табліца 2 "Калі Вы не збіраецеся галасаваць, то чаму?" (магчымы больш за адзін адказ)

На першым месцы аказалася нявер'е ў тое, што ў выніку галасавання перможцам стане сапраўды наймацнейшы - больш 12 % рэспандэнтаў лічаць, што дэпутатамі будуць тыя кандыдаты, каго падтрымлівае ўлада. Калі да іх дадаць і тых, хто не верыць у свабодны і справядлівы характар выбараў, то будзе відаць, што 20% апытаных гатовы сёння праігнараваць выбары з-за сумненняў у тым, што гэта будуць сапраўдныя выбары, вынік якіх залежыць толькі ад волі саміх выбаршчыкаў.

Калі ў красавіку колькасць тых, хто збіраўся галасаваць за кандыдатаў - прыхільнікаў А.Лукашэнкі, крыху перавышала колькасць гатовых галасаваць за кандыдатаў - праціўнікаў прэзідэнта, то ў верасні сітуацыя змянілася (табліца 3).

Табліца 3 Размеркаванне адказаў на пытанні аб характары маючага адбыцца галасавання

Аднак самыя значныя перамены адбыліся ў тым, як самі выбаршчыкі сталі ацэньваць будучае галасаванне астатніх выбаршчыкаў. Калі ў красавіку многія беларусы, якія выступалі за перамены, думалі, што большасць прагаласуе за кандыдатаў - прыхільнікаў А.Лукашэнкі (г.зн. што яны самі ў меншасці), то сёння іх упэўненасць у падтрымцы грамадства значна ўзрасла.

Хаця да выбараў застаецца яшчэ шмат часу, ужо зараз становіцца відавочным, што супярэчнасці ў стане апазіцыйных партый не дазваляюць стварыць адзіны блок. З выказванняў партыйных лідэраў можна зрабіць выснову, што вясной за галасы выбаршчыкаў будуць змагацца, прынамсі, два блокі - левацэнтрысцкі і правацэнтрысцкі. Першы будуць складаць камуністы Сяргея Калякіна, сацыял-дэмакраты Аляксандра Бухвостава (Беларуская партыя працы) і Мікалая Статкевіча (Беларуская сацыял-дэмакратычная партыя "Народная Грамада"). Да іх, магчыма, далучацца ліберал-дэмакраты Сяргея Гайдукевіча і партыя "Надзея", што атрымала новае кіраўніцтва (якой спачатку патрэбна вырашыць пытанне аб рэгістрацыі ў Мінюсце). У другі блок, відаць, увойдуць Партыя БНФ Вінцука Вячоркі, Аб'яднаная грамадзянская партыя Анатоля Лябедзькі і, магчыма, дзве сацыял-дэмакратычныя партыі - Станіслава Шушкевіча (Беларуская сацыял-дэмакратычная Грамада) і Валянціны Палевіковай (Аб'яднаная сацыял-дэмакратычная партыя, якой, дарэчы, таксама патрэбна разабрацца з рэгістрацыяй).

У правацэнтрысцкага блока электарат традыцыйна больш дысцыплінаваны і кансалідаваны. У левацэнстрысцкага блока, на першы погляд, колькасна больш вялікі патэнцыял (табліца 4).

Табліца 4 "Калі Вы будзеце галасаваць за кандыдата ад якой-небудзь партыі, то якой менавіта?"

*Апытанне праводзілася да змены кіраўніцтва ў партыі "Надзея"

Аднак механічна складваць партыйныя рэйтынгі нельга. Тым больш, што пакуль невядома, каму дастануцца працэнты расколатай партыі "Надзея" і ці пажадае С.Гайдукевіч, які знаходзіцца на некаторым пад'ёме, з нейкім быць у блоку.

Між тым, патрэбна зазначыць, што ў ідэі адзінага блока знаходзіць усё больш прыхільнікаў (табліца 5).

Табліца 5 " Ці падтрымліваеце Вы стварэнне блока апазіцыйных партый для ўдзелу ў выбарах дэпутатаў мясцовых Саветаў?"

Дызайн і праграмаванне Red Graphic Systems

© 2001-2008 Інфармацыйная кампанія БелаПАН
Уся інфармацыя, размешчаная на гэтым вэб-сайце, прызначаная толькі для персанальнага выкарыстання і не падлягае далейшаму рэпрадукаванню і/ці распаўсюджванню ў якой-небудзь форме, акрамя як з пісьмовага дазволу БелаПАН. Пішыце: mail@belapan.com